GIG Motors 20th MFA Cup fixtures pawh a ni ta

March 20, Zirtawpni zan khan GIG Motors 20th MFA Cup fixtures chu Zonet Studio-ah pawh a ni. Group A-ah inelna thlengtu Saitual district team Saitual FC bakah Kanan FC (Aizawl) leh Saidan GSA (Kolasib) te an awm.

Tie draw neihnaah hian Mizo professional footballer hmasa ber S. Malsawmtluanga bakah Indian Super League player pahnih Ricky Lallawmawma leh Lalṭhathanga Khawlhring ten an telpui.

Mizoram district 11-in team 11 an thawh thei vek a, group paliah an ṭhen. Group B-ah Luangpawl FC (Mamit), Lawngtlai FC (Lawngtlai), FC Vengthlang North (Champhai) te an awm a, group C-ah Electric FC (Hnahthial), Siaha FC (Siaha) leh FC Serchhip Kawnpui (Serchhip) te an awm bawk.

Group D-ah team pahnih Khawzawl FC (Khawzawl) leh Chanmari FC (Lunglei) te chiah an awm. Group tin aṭang hian team pakhat ṭheuhin semfinal an lut ang.

Inelna hi March 29 leh April 4 chhung hian Keifang Centenary Football Ground, Keifang, Saitual District-ah khelh a ni dawn. Match hmasa ber hi March 29, Thawhlehni chhawhma dar 11:00-ah khelh a ni dawn a, Saitual FC leh Kanan FC ten match hmasa ber an khel ang.

MFA Cup hi District FA 11-a football club thate inelna tur a ni a, champion lai chu Aizawl FC Junior an ni. Kum 2019 khan Lawngtlaiin MFA Cup hi a thleng a, Aizawl DFA aiawh Aizawl FC Junior hian final-ah Lunglei DFA aiawh Zotlang FC an hneh.

Tun ṭum inelna hi kum 2020-a Covid-19 hripui len hnua Mizoram pum huap football inelna neih leh hmasak ber tur a ni ang.

Fixtures
Group A
March 29, Thawhlehni
Saitual FC 11:00 AM Kanan FC
March 30, Nilaini
Saidan GSA 1:00 PM Saitual FC
March 31, Ningani
Kanan FC 11:00 AM Saidan GSA

Group B
March 29, Thawhlehni
Luangpawl FC 1:00 PM Lawngtlai FC
March 30, Nilaini
FC Vengthlang North 3:00 PM Luangpawl FC
March 31, Ningani
Lawngtlai 1:00 PM FC Vengthlang North

Group C
March 29, Thawhlehni
Electric FC 3:00 PM Siaha FC
March 30, Nilaini
FC Serchhip Kawnpui 11:00 AM Electric FC
March 31, Ningani
Siaha FC 9:00 AM FC Serchhip Kawnpui

Group D
March 30, Nilaini
Khawzawl FC 9:00 AM Chanmari FC
March 31, Ningani
Chanmari FC 3:00 PM Khawzawl FC