BAI hruaitu zingah Mizo

Badminton Asso-ciation Of India (BAI) Annual General Meeting chu March 25, Zirtawpni khan neih a ni a, 2022-2026 chhunga hruaitu tur thlan chhuah zingah Mizoram Badminton Association (MBA) vice president H. Lalnunsiama a tel.

Radiason Blue Hotel, Guwahati-a neih AGM-ah hian office bearer post hrang hrangte bakah executive committee member turte thlanchhuah an ni a, Saron Veng pa H. Lalnunsiama hi BAI executive committee member tura thlan zingah a tel a ni.

AGM hian Assam chief minister Himanta Biswa Sarma chu President atan an thlang a, honorary secretary-ah junior national coach Sanjay Mishra chu thlan a ni bawk. Vice president tura thlanchhuah mi 11 zingah Indian badminton legend Pullela Gopichand a tel.

He hunah hian MBA aiawhin H. Lalnunsiama bakah vice president C. Lalzahngoa chu a tel bawk - AGM hian BAI calendar tur leh kalphung hrang hrang turte an rel nghal a ni.