Mr Mizoram 2021 'MK Manuel Hmar'

Mister Mizoram 2021 & Men's Physique Bodybuilding Championship chu March 26, 2022 khan Saikuti Hall, Lungleiah neih a ni a, Kolasib aiawh MK Manuel Hmar chu Mister Mizoram 2021 atan thlan a ni.

Men’s Physique atan Highway Gym (Salem Veng) hminga tel Rodingliana chu thlan a ni bawk.

Inelna hi Bodybuilding & Fitness Association of Mizoram (BBFAM) & Lunglei District Bodybuilding & Fitness Association (LDBFA) ten an buatsaih a ni a, 3 Naga Hill Battalion Assam Rifles ten an sponsor.

Mister Mizoram 2021-ah hian a thlengtu Lunglei District bakah Aizawl, Kolasib, Champhai leh Lawngtlai District aṭangin mi 48 an tel. Kolasib District Bodybuilding & Fitness Association hminga tel MK Manuel Hmar chu Mister Mizoram-ah an thlang. MK Manuel Hmar hi Hmarkhawlian, Cachar, Assam-a piang leh seilian a ni a. Lalchunghnung leh Malsawmkim te fapa a ni a, Assam Regiment Centre-ah havildar hna a thawk mek.

BBFAM hi Mizoram State Sports Council hnuaia awm a ni a, hrileng Covid-19 vangin nikum lamah intihsiakna neih theih a ni lo. Sorkar Financial Year anga kalin Mister Mizoram 2021 hi an thlang. Kumin kum tawp lamah Mister Mizoram 2022 thlanna chu neih tum a ni a. Mister Mizoram bakah Men’s Physique inelna neih a ni bawk.

BBFAM president Dr T. Malsawmtluanga chuan, "Tun lai khawvelah mihring kan hrisel lo telh telh a, a bikin a ṭhalaiah ruihhlo a hluar. Chuvangin taksa insawizawi hi a ṭha a, gym kal hi a hrisel. Khawvel pum huap pawhin pian nalh leh sa ṭha te hian ngaihsan an hlawh hle. Mizo ṭhalaiten kan taksa kan uluk zawk nan te, gym chawi san nan te Mister Mizoram hi kan buatsaih a, ṭha zawka buatsaih zel pawh kan tum a ni," tiin Vanglaini a hrilh.

Mister Mizoram 2021 - Thlirna Tawi
Mister Mizoram
Overall Mister Mizoram
1 MK Manuel Hmar HP Fitness Gym Kolasib DBFA
2 Lalkrosmawia Electric Veng Gym Club Electric Veng
3 Lalhmangaihsanga, Saron Gym Saron Veng
Below 60 Category
1. Jeremy Saidingpuia Sailo V&V Fitness Gym Kolasib DBFA
2. Lallawmzuala Venglai Gym Club Lunglei DBFA
3. John Lalruatpuia Bruin Gym Zuangtui
60-65 Category
1 Lalrinzuala Venglai Gym Club Lunglei DBFA
2 Joel Vanlaltluanga LM Gym Durtlang
3 Steven duhneihthanga Saron Gym Saron
66-70 Category
1 Lalkrosmawia Electric Veng Gym Club Electric Veng
2 R. Lalnuntluanga V&V Fitness Gym Kolasib DBFA
3 S. Laltleipuia Venglai Gym Club Lunglei DBFA
Above 70 Category
1 MK Manuel Hmar HP Fitness GYM Kolasib DBFA
2 Lalhmangaihsanga Saron Gym Saron Veng
3 H. Lalbiakzuala Freddies Power Gym Republic Veng

Men's Physique
1 Rodingliana Highway Gym Salem Veng
2 Fabian Lalrinpuia Electric Veng Gym Club Electric Veng
3 Stalon Lalhlunthanga Slick Fitness Gym Bungkawn