Swiss Open champion Sindhu

India nula badminton khel thiam, world champion hial pawh ni tawh PV Sindhu chu nimin tlai khan Swiss Open-ah a champion. Nomawi chawi tur hian Thailand nula Busanan Ongbamrungphan chu 21-16, 21-8 in a hneh.

Basel khawpuiah hian Sindhu hi a inlan tam lo, a inlan chhunah erawh a hlawhtling thei hle. 2019 khan World Championship khelin a champion a, tun ṭumah pawh hlawhtlinna a chang leh chiah, season kal laia title pahnih a lak tlinna a ni nghal bawk.

Olympic medal vawi hnih la tawh Sindhu hian semifinal-ah pawh match hautak a paltlang, darkar khat leh minute 19 an inkhelh hnuah Supanida Katethong chu 21-18, 15-21, 21-19 in a lo paltlang hram tawh a, final-ah erawh hna hautak lutuk a nei lo thung.

Nizan khan mipa singles final khelh a ni bawk a, Indian player HS Prannoy leh Kidambi Srikanth hnehtu Jonatan Christie te an inkhel a, result erawh kan hre hman lo a ni.