Ka dinhmun a ṭha - Mick Schumacher

Saudi Arabian Grand Prix tlan tura inbuatsaihna, qualifying an tlan laiin Mick Schumacher a che sual a, inelna tak a hmachhawn thei lo. Haas driver hian chesual nasa viau angin lang mah se a dinhmun a ṭhat thu a sawi.

Jeddah tlankawngah 240kmh a chakin Schumacher hi a tlan a, a car hnung lamah thil innawk awmin a chesual zui a, tlankawngah a insawh nasat avangin car pawh a chhe hneh hle.

Kum 23 mi Schumacher chuan, "Ka dinhmun a ṭha e, min ngaihtuahna leh thlamuanna message hrang hrang avangin lawmthu ka sawi. Haas car a ṭha tih a takin kan hmu, tun hma aia ṭha zawkin kan lo kir leh ang," a ti.

Formula 1 legend Michael Schumacher a fapa Mick hian a pa vangin ngaihven a hlawh bik ṭhin, tunah erawh a pa sulhnu ropui a la zui hleithei lo. Car intlansiakna sang bera hming chher tur chuan hmasawn a la mamawh nasa hle.

Nizan khan tun season chhunga intlansiak pahnihna Saudi GP an tlan a, result erawh kan hre hman lo.