Belarus-in India sawp

Mizo tel lohna India chuan friendly match-ah 3-0 ngawtin Belarus an ngam lo a, kum 2012 a Azerbaijan an hmachhawn hnua India-in Europe khawmualpui ram an hmachhawn hmasak berah an mualpho chiang hle.

India coach Igor Stimac-a'n Bahrain laka tlawm team aṭangin player pasarih ngawt a siksawi a, hliam vangin Liston Colaco leh Jeakson Singh an inlan thei lo a, Rahul Bheke chu Mumbai City tana Champions League khel turin an club squad a zawm bawk.

Blue Tigers-in an theihna hrechiangin tlarhnung an veng a, Belarus-in goal khung an harsat hle. Mahse, second half minute hnihna aṭangin Belarus-in goal an surtir a, Artsem Bykau, Andrey Solovei leh Valery Gromyko te chuan goal khat ṭheuh an khung.

Team pahnih an inthlau hret a, Bahrain laka 2-1 a tlawm tawh India tan Belarus laka goal khung chu thil harsa a ni - Blue Tigers-in goal an khung lo a, international break-a match hnih an khelhah an tlawm ve ve.

INDIA: Gurpreet Singh Sandhu (captain); Seriton Fernandes (Yasir Mohammad – 46th), Anwar Ali, Sandesh Jhingan, Akash Mishra, Hormipam Ruivah (Pritam Kotal – 90th), Anirudh Thapa, VP Suhair (Aniket Jadhav – 60th), Brandon Fernandes (Danish Farooq - 90th), Roshan Singh (Chinglensana Singh 76'), Manvir Singh.