Playoff hmun inchuh boruak a sang

NBA regular season an khar hnai, a thiam pariat chin inelna playoff hmunruak inchuh thawm a ring chho hle. Brooklyn Nets chuan Miami Heat 110-95 a hnehin Eastern Conference table-ah pariatna an ni.

Nets hian vawi 39 hnehna an chang tling ta chiah, an hnuai chiaha awm Charlotte Hornets chu vawi 38 an chak tawh thung. Nets leh Hornets te hi tukin zingah an inhmachhawn dawn a, inkhel pawimawh bik a ni ang.

Nimin zing inkhelah Milwaukee Bucks chu Memphis Grizzlies lakah 127-102 in an chak lo. Memphis tan De’Anthony Melton (24 points) leh Desmond Bane (20) te an che ṭha a, season kal laia team ṭha leh hmunhnawm an nihna lantir chungin an chak.

NBA champion lai Bucks tan Giannis Antetokounmpo a che ṭha. Point 30 neiin rebound vawi 11 a la, third quarter bikah point 18 neiin Memphis hi an nihrual hman, mahse thlawptu a neih ṭhat loh avangin an match hnuhnung 13 aṭanga a vawi thum nan an tlawm.

NBA - Nimin Results
Chicago Bulls 98 - 94 Cleveland Cavaliers
Brooklyn Nets 110 - 95 Miami Heat
Milwaukee Bucks 102 - 127 Memphis Grizzlies
Oklahoma City Thunder 1-7 - 113 Denver Nuggets
Houston Rockets 115 - 98 Portland Trail Blazers

March 26, Inrinni
New York Knicks 111 - 103 Miami Heat
Dallas Mavericks 95 - 116 Minnesota Timberwolves
Houston Rockets 125 - 106 Portland Trail Blazers
Philadelphia 76ers 122 - 97 Los Angeles Clippers
San Antonio Spurs 107 - 103 New Orleans Pelicans
Sacramento Kings 114 - 110 Orlando Magic
Indiana Pacers 91 - 131 Toronto Raptors