Vawiin aṭangin Mizoram Open

Tualchhung tennis inelna lian Mizoram Open chu vawiin aṭangin khelh ṭan a ni dawn. Inelna hi Aizawl Tennis Club (ATC) leh Tennis Club Zotlang (TCZ) Court-ah khelh a ni dawn, inelna hi April 2 thleng awh tur a ni ang.

Kar hmasa khan qualifying round khelh niin, Mizoram Tennis Association (MTA) hnuaia ranking nei player 24 an tling nghal a, hmunruak pariat la awm chu mi 32 ten an inchuh a, vawiin aṭangin inelna tak an hmachhawn leh nghal dawn a ni.

Mipa singles champion lai chu Innocent Lalrindika (Ramhlun Tennis Club) niin, hmeichhe lamah Sandhya Giri (Lunglei Tennis Club) chuan nomawi a kawl mek bawk.

Inelna hi hlawm pasarih - men’s singles, women’s singles, boys u-12 singles, boys u-14 singles, men’s doubles, 40+ singles leh 55+ doubles huangah te ṭhen hran a ni dawn.