MPL khel tur hriatthiam har

Nimin khan Mizoram Premier League khel tur zawnna qualifier chu khelh chhunzawm a ni a, Kanan FC leh New Serchhip te chu goal awm loin an inhnehtawk. Qualifier-ah match khat chauh khelh hmabak a awm tawh a, December 1-a Venghnuai leh New Serchhip inkhelh zawhah MPL khel tur a hriat chauh ang.

Aizawl DFA first division finalist Kanan FC-in match hnih khelha chak hmel an hmuh zawh loh avangin midang result-ah an innghah a ṭul tawh. Venghnuai leh New Serchhip inkhela chak zawkin MPL an khel ang a, chak zawk an awm chuan Kanan FC-in MPL7 pasarihna Ramhlun North nen playoff an khel ang. Team pahnih goal awm loa an inhnehtawk erawh chuan Kanan FC leh Venghnuai dinhmun a inang vek dawn a, Aizawl club pahnih ten pakhatna zawngin playoff an khelh a ṭul ang a, hei erawh a la thleng ngai lo.

November 27, Thawhlehni
Kanan FC 2 - 2 FC Venghnuai
KFC : David Lalchhuanawma 21' (P), 71'
FCV : K. Roluahpuia 47'; Isaac Ramfangzauva 90'
Nimin Inkhel Result
New Serchhip 0 - 0 Kanan FC
December 1, Inrinni
Venghnuai 2:00 PM New Serchhip
# Team Pld W D L GF GA GD Pts
1 Kanan FC 2 0 2 0 2 2 0 2
2 Venghnuai FC 1 0 1 0 2 2 0 1
3 New Serchhip 1 0 1 0 0 0 0 1