MSL Playoff Game 3 an khel dawn

Mizoram Super League relegation playoff khelh laiah Zarkawt Serpents leh Basketball Club Bethlehem te chuan game 3 an khelh a ngai dawn. Team pahnih hian vawi khat ve ve hnehna an chang tawh.

December 4, Thawhlehni zanah game 3 khelh a ni ang a, heta chak zawk hian MSL-a kir turin MSL Qualifier-a pahnihna an hmachhawn leh ang.

Game 1-ah Serpents lam hian 77-65 in hnehna an chang a, Zarkawt club hi tlang mai tura ngaih an nih laiin Thawhlehni zana game 2 an khelah Bethlehem lamin 79-78 in hnehna an chang let, point khat hmang chauhin an beiseina thi ṭep chu an chhem nung ve leh a ni.

Team pahnihte hi group match lama an intawnnaah Serpents hian hnehna an chang a, kai thar club hi an player an inthlau lo a, an intawn tawh dan thlir chuan tlang tur zawk rinthiam a harsa hle.