Chhani'n silver medal a la

IWLF Youth, Junior leh Senior National Weightlifting Championship neih laiah Lalchhanhimi'n medal pahnih a la. Mizo nula hi 71kg huangah inlanin, senior national leh inter state senior national-ah silver medal ve ve a la.

Chhani hian medal la tur hian - snatch 87kg, clean & jerk 116, total-ah 203 a chawi. Nikum August thla aṭang khan India camp, Patiala-ah a awm tawh a, hripui leng karah pawh chawl loa a inbuatsaihna rah chhuah a lang.

Tun ṭum inelna neih laiah hian Mizo an che ṭha a, medal paruk lai an hlawh chhuak thei a ni.

Medal la te:
Senior National & Inter State Senior National
Lalchhanhimi 71kg Silver
Inter State Senior National
Zakhuma 61kg Bronze
Junior National
Lalhunthara 67kg Gold
Jacob Vanlaltluanga 67kg Bronze
Youth National
Silvan Beirothatlo 67kg Silver