Tournament khelh vanga inchhir Azarenka

Victoria Azarenka chuan Miami Open a khelh chu a tihsual a nih thu a sawi a, nimin zinga Linda Fruhvirtova nen an inkhelhah a inlan tluan thei lo a, set hnihna an khelh zawh hmain a inhnukdawk.

Belarus star hi kum 16 mi lek Fruhvirtova lakah 6-2, 3-0 in a hnufual, inkhel zo pawh ni se a chak lo zawk a ni ang. A coach awmna lam hawiin Azarenka chuan, "Eng vangin nge hetah hian ka inkhelh?" tiin ring takin awrawl a chhuah.

Hmanni lawk khan Indian Wells-ah a inlan a, a chak loh hnuah mittui nen tennis court a chhuahsan. Nikum aṭang khan rilru lam harsatna a nei a, a fapa thla 11 mi lek chungchangah buaina a lo nei tawh a ni.

World number 1 hlui Azarenka chuan, "Tun ṭumah chuan inkhel lo tur ka ni a, eng vanga tournament khel nge ka nih hi ka hrethiam lo.

A nihna tak sawi chuan tun hnai hian hun hrehawm leh ipik tak ka tawng.

"Hun harsa paltlang ka tum a, theihtawpin ka bei ve bawk. Amaherawhchu, tun ṭuma ka rilru ipikna leh hrehawmna hi chu a nasa takzet, hetiang hun aṭang hian tal chhuah ka ngai," tiin a sawi.