Mahuma Memorial final hun an sawn

Tualchhung cricket inelna lian, Mahuma Memorial 1st Division Tournament final chu a hun sawn a ni. Ruahmanna hmasaah chuan March 29, Thawhlehnia khelh tur a ni; mahse March 31, Ninganiah khelh a ni ang.

Tun hnaiah Mizoramah ruah a sur a, inkhelhna hmun tur Suaka Cricket Ground-a pitch chu hman nghal mai theih a ni lo, cricket khelh nan khaw ṭha a ngaih avangin hun remchang dang zawn a ni.

Tournament-ah hian Cricket Association of Mizoram hnuaia team ṭha pariat an inel. Vawi khat ṭheuh an inkhelh kual hnuah, league round-a sang ber Ramhlun Venglai leh pahnihna Chhinga Veng ten nomawi an inchuh ang.