Vawiinah Mizoram Jr Team Final Trial

Mizoram Football Association chuan Junior National Football Championship-a Mizoram aiawh tur thlanna district hrang hranga a neih hnuah nimin khan Lammualah final trial neih a ni a, vawiinah a zo ang.

MFA hian district hrang hrangah scout tirin an thlang a, Tata Trusts CoE leh MPL player koh belh nen mi 70 bawr vel an ni. Aizawl aṭangin player thlang hnem berin mi 33 an thlang a. Champhai (15), Lunglei (6), Kolasib (5), Serchhip (4), Siaha (3), Lawngtlai (3) leh Mamit (1) ten player an thawh bawk. Inelna hi Meghalaya-a neih tur a ni.