Gujarat Titans-in Lucknow Super Giants an hneh

Indian Premier League club thar pahnih Gujarat Titans leh Lucknow Super Giants te Thawhlehni zan khan Wankhede Stadium-ah an inhmachhawn a, Titans-in wicket ngain hnehna an chang hram. Zanin dar 7:30 hian Royal Challengers Bangalore leh Kolkata Knight Riders te an inkhel ang.

Ṭhumvawrah Titans an vannei a, captain Hardik Pandya-a'n vawm hmasak a thlang. Super Giants top order KL Rahul (0), Quinton de Kock (7), Evin Lewis (10) leh Manish Pandey (6) te che ṭha lo mah se Deepak Honda (55) leh Ayush Badoni (54) ten beiseina rawn siamin 158/6 runs a rawn siam.

Gujarat Titans opener Shubman Gill-a'n run siam loin pavilion-ah a kir a, boruak a hot. Matthew Wade (30), Hardik Pandya (33) leh David Miller (30) ten beiseina an rawn siam a, a tawp khartu chu Rahul Tewatia (40) leh Abhinav Manohar (15) te an ni a, ball hnih chiah dan bangin 161/5 runs siamin hnehna an chang.