Ronaldo-a'n Ballon d'Or a phu – Matuidi

Juventus midfielder Blaise Matuidi chuan Italian club tana a khelhpui Cristiano Ronaldo chuan kuminah Ballon d'Or dawn a phu thu a sawi.

Kum 33 mi Ronaldo hian season hmasa khan Real Madrid chu a zawna a vawi thum nan Champions League nomawi a chawipui a, season ṭan dawnah Juventus panin Serie A club tan hian match 17-a khelhah goal sawm a khung sak leh der tawh.

Matuidi chuan, "Ronaldo hian he chawimawina dawn hi a phu ber a ni," a ti a, "Engtiklai pawha hnehtu nih duh reng a ni a, chu chu midang zawng aia a danglamna a ni," tiin a ṭhianpa hi a fak zui.

Khawvela footballer ṭha ber thlanna 2018 Ballon d'Or hi December 3-ah sem tur a ni dawn a, tun hnaiah top three-a put ru nia sawi niin Ronaldo, Luka Modric leh Antoine Griezmann te hming a lang.

Ronaldo khelhna Juventus hian zanin dar 10:30-ah league match an khel dawn a, khualmualah Fiorentina an lenchilh ang.