Norwich hmachhawn thei Maguire?

Khawvel defender manto ber Harry Maguire chu zanin dar 8:30-a Manchester United-in Norwich City hmachhawn hman thei dinhmunah a ding. United hian Norwich hi October thla khan 3-1 in an hnen tawh a ni.

Nimin tlai press conference-ah Ole Gunnar Solskjaer chuan, "Harry Kane nen inngaih pawlh a ni lo maw? Harry Maguire chu Norwich hmachhawn thei dinhmunah a ding. Training-naa a chet dan kan en ang a, chumi zawhah chuan a chiang ang," tiin England striker Harry Kane a inhliam nat laiin an defender Maguire chu chhawr theih dinhmuna a din thu a sawi.

Maguire hi FA Cup third round-a Wolverhampton Wanderers nen an inkhelh ṭuma a inhliam avangin League Cup semifinal first leg-ah Manchester City an hneh loh ṭumin a inlan lo.Manchester United hian kum 2020-ah chak an la nei lo a, transfer hun a inhawn chiah avangin player lakluh an nei dawn em tih chu zawhna hriat châkawm a ni. Solskjaer chuan, "Player lakluh chungchangah thuchiang a la awm lo a, chutihrualin ṭhahnem tak erawh beisei suh u. Mc Tominay hi February thlaah chaun kan beisei tawh a, Eric Bailly leh Tim Fosu-Mensah te reserve lamah an inlan thei tawh ang," tiin transfer pahnih khat awm thei a nih thu a sawi.

Sporting Lisbon midfielder Bruno Fernandes chungchang sawi zuiin Solskjaer chuan, "Thuthang a awm leh ta. Inkhel chu khawi hmunah pawh kan en thei a,  transfer chungchang a ni vek lo. Club dang player a nih avangin a chungchang ka sawi a rem lo," tiin thuchiang a sawi duh lo a. Contract pawtsei duh lo Ashley Young pawh a ṭul a nih chuan be tura a inpeih reng thu a sawi lang.