Mizoram an chak

BCCI hnuaia inelna Senior Women's One-Day League-ah Mizoram hmeichhe cricket team chuan an match hmasa berah Arunachal Pradesh chu 196 runs-in an hneh.

Mizoram hian an bat hmasa a, Sandhya Kumari chuan run 153 a siam a, Ramengmawii'n thi loin run 44 siam bawkin wicket li chauh hlohin run 287 an siam.

Arunachal hian run 91 chauh siamin an thi fai vek a, Mizoramin harsatna nei loin hnehna an chang. Mizoram hi plate group-ah hmarchhak state dang te bakah Puducherry, Uttarakhand leh Bihar te nen an awm ho a ni.