Curry telna Warriors an chak lo

Stephen Curry inhliam a dam tawh a, court chhungah inlan thei tawh mah se NBA champion lai Golden State Warriors hi Detroit Pistons lakah 111-102 in an tlawm.

Nimin zing inkhelah Curry-a'n minute 37 chhungin point 27 nei thei mah se quarter hnihna an khelh ṭhat loh an tuar a, a tawp thlengin an tho chhuak tawh lo. GSW hian regular season kal laiah vawi 15 hnehna chang tawh mah se ṭum kua ngawt an tlawm ta.

Toronto Raptors laka an tlawm hnuah Pistons an hneh loh zui avangin Golden State tan inenfiah a ngai a, chutih rualin tun hnai an match hnuhnung 11 ngawt an chhawr theih loh Curry a dam ta erawh chanchin lawmawm a tling tho ang.