Inelna a tam mah mah - Saina

Saina Nehwal chuan Badminton World Fede­ration hnuaia inlena hma­chhawn tur tam lutuk chu an tuar nia a hriat thu a sawi a, hei vang hian Com­­­monwealth Games leh Asian Games-ah an hlawh­tling tawk lo niin a sawi.

London Olympic bronze medalist Sai­na chuan, "Season tluanin tournament khelh tur a awm deuh reng a, hun a tepter ṭhin em avangin rilru engthawl taka in­ngaihtuahna hun pawh a awm ngai meuh lo.

"Commonwealth Games kan khelh dawn khan inbuatsaih nan ni 10 pawh kan nei mang lo, chutiang bawkin Asian Games leh World Championship kan khelh dawn pawh khan hun a thawl tawk lo, season tharah chuan ngaihtuahna dang kan hman a ṭul tawh dawn a ni," tiin a sawi.