BCCI leh IOC hnuaia Doping Control Officer Dr Mapuia

India rama cricket thuneitu sang ber Board of Control for Cricket in India (BCCI) chuan Doping Control Officer atan Mizoram State Sports Council-a thawk mek Dr Lalzarmawia Khiangte (Mapuia), Sports Medicine chu an ruat. Dr Mapuia hi International Olympic Committee (IOC)- in contract a ziahpui World Anti-Doping Agency (WADA) hriatpui Sweden-a independent company International Doping Test & Management (IDTM)-ah DCO atan hian a tling tawh bawk.

IDTM enkawlna hnuaiah hian infiamna an awm kim hle a, bodybuilding (IFBB) thlengin an inziaklut. BCCI erawh IOC hnuaiah a awm lo a, amaherawhchu a hrana DCO tura Dr Mapuia an rawn ruat takah chuan Mizo doctor kaiihruaina hnuaiah infiamna hrang hrangah doping test a neih theih dawn tihna a ni.