World Level Umpire atan Mizo nula Lalremruati

International Hockey Federation hnuaia FIH Hockey Academy Umpire Level 2 Course neih zawh takah Lalremruati chuan tluang takin a zo ve a, Mizo zinga hetiang dinhmun luah thei hmasa ber Ruati hian khawvel huap hockey inelna lian hrang hrangah umpire hna a thawk thei tawh dawn tihna a ni.

Umpire Level 2 Course nei tur hian khawvel ram hrang hrang aṭangin mipa leh hmeichhia pakhat zel an tel thei ṭhin a, hei bakah hian training thlengtu ram chu duhsak bik niin an nei tam thei. Kuminah hian a thlengtu India aṭangin hmeichhe paruk an tling a, World Cup, Asia Cup leh Azlan sah Cup thlengin an enkawl thei dawn.

Saitual nula Ruati chuan, "Pathian hruaina zarah Mizo ten hma kan sawn zel a, hockey khel thiam an pun chhoh mek bakah team enkawl leh umpire hna lamah pawh hma lam kan pan ve zel. Tunah hian international match tenau deuh atan koh theih kan ni ve ta a, ka lawm takzet," tiin Vanglaini a hrilh.