Saitual mipuiin MFA Cup an hlut

Saitual DFA-in Keifang Centenary Football Ground-ah GIG Motors 20th MFA Cup an thleng a, entu mipui an ṭhahnem thei hle. Nimin khan football hmuhnawm chhawpchhuah a ni a, FC Serchhip Kawnpuiin hun tawp dawnah Hnahthial club Electric FC an lethal a, 5-4 in an chak.

Group khat aṭangin team khat chauhin semifinal an lut dawn a, group C hmahruaitu Serchhip Kawnpui hian vawiin chawhma dar 9:00 hian Siaha FC an hmachhawn dawn. Serchhip club hian hnehna an chang a nih chuan semifinal an lut dawn a, Electric FC leh Siaha FC beiseina a tawp nghal ang.

Group D-ah team hnih chauh an awm a, Lunglei club Chanmari FC-in Khawzawl FC 5-1 ngawtin an sawp. Vawiin tlai dar 3:00-ah an inkhel leh dawn a, Chanmari FC hi semifinal lut turah a ngaih theih ang.

Inlena thlengtu Saitual FC-in Aizawl champion Kanan FC an chelh hnuah Kolasib club Saidan FC 2-2 in an chelh. Saitual hi group A-ah team nem ber tura ngaih ni mah se goal khung hmasa zawk an ni zel a, Aizawl leh Kolasib club-te hi a suttu zawk an ni.

Vawiin hian Kanan FC leh Saidan GSA an inkhel dawn a, heta chak zawk hian semifinal an lut dawn. Chutihrualin Kanan leh Saidan te hi an inhnehtawk a nih chuan Saitual tan semifinal a la beisei theih ang.

Nimin inkhel hnuhnung berah Champhai club FC Vengthlang North-in Luangpawl FC 3-1 in an hneh. FC Vengthlang North hian vawiin tlai dar 1:00-a Lawngtlai an hmachhawn dawn a, point an hmuh chuan semifinal an lut dawn. Luangpawl FC-in Lawngtlai hi an hneh tawh avangin Champhai club dinhmun a ṭha.

Thlirna Tawi
Group A : Saitual FC (Saitual), Kanan FC (Aizawl), Saidan GSA (Kolasib)
Group B : Luangpawl FC (Mamit), Lawngtlai FC (Lawngtlai), FC Vengthlang North (Champhai)
Group C : Electric FC (Hnahthial), Siaha FC (Siaha), FC Serchhip Kawnpui (Serchhip)
Group D : Khawzawl FC (Khawzawl), Chanmari FC (Lunglei)

March 29, Thawhlehni
Grp A Saitual FC 1 - 1 Kanan FC
SAI : Zothanpuia 45'
KFC : Vanlalthanga 74' (P)
Grp B Luangpawl FC 1 - 0 Lawngtlai FC
LUA : Malsawmzela 59'

March 30, Nilaini
Grp D Khawzawl FC 1 - 5 Chanmari FC
KFC : Vanlalremsanga 17'
CFC : PC Lalhruaisanga 35', Samuel Lalramchhana 52' 55' 78', John KL Lalfamkima 90+1'
Grp C FC Serchhip Kawnpui 5 - 4 Electric FC
FCS : Vanlalrinpuia 7', Malsawmtluanga Tochhawng 46', 90+2', John Lalmuanpuia 76', Dennis Lalhruaitluanga 86'
EFC : Lalrintluanga 83', Jeremy Laldinpuia 39', 52', Rorelliana 76'
Grp A Saidan GSA 2 - 2 Saitual FC
SGSA : J. Lalduhawma 45', Lalhunmawia 82'
SFC : Lalhminghlua 22', 76'
Grp B FC Vengthlang North 3 - 1 Luangpawl FC
FCV : C. Lalremruata 28', Laltlanzova 74', Lalsawmzela 90+2'
LFC : Lalruatpuia 56'

March 31, Ningani
Grp C Siaha FC 9:00 AM FC Serchhip Kawnpui
Grp A Kanan FC 11:00 AM Saidan GSA
Grp B Lawngtlai 1:00 PM FC Vengthlang North
Grp D Chanmari FC 3:00 PM Khawzawl FC

April 1, Zirtawpni
Grp C Electric FC 7:00 AM Siaha FC