Bucks chakna Antetokounmpo

Giannis Anteto-kounmpo-a'n point 40 a nei a, hun tawp dawnah Joel Embiid-a point neih tur a dansak bawk. Nimin zing NBA regular season inkhelah Milwaukee Bucks chuan Philadelphia 76ers 118-116 in an hneh.

Bucks tan Anteto-kounmpo bakah point 22 neitu Khris Middleton a khel ṭha, Jrue Holiday-a'n point 18 a nei bawk. NBA regular season kal laia vawi 47 an chakna niin, Eastern Conference table-ah pahnihna an ni - an chungah Miami Heat chiah an awm.

A zawna vawi hnih chak lo 76ers erawh palinaah an tlahniam a, tun hnaiah che ṭha tawk lo mah se playoff khel tur erawh chuan an tlin ngei a rinawm. Pariatna Brooklyn Nets aiin match rukin an chak hnem mek a ni.

Western Conference inkhelah Los Angeles Lakers an chak lo. Hliam vangin LeBron James a chawl a, a tel loin Lakers hi Dallas Mavericks lakah 128-110 in an chak lo, chawlhlawk laiin 82-56 in an hnufual hman, February 1959 (83points) hnu lamah half time laia an hniam fal ber ṭum an tawng.

Luka Doncic-a'n season kal laia a vawi 10 nan triple-double a nei, 34 points, 12 rebounds leh 12 assists neiin hnehna an chan theih nan a thawh hlawk hle a, a team Mavericks hi Western Conference table-ah palina a nihpui.

NBA - Nimin Results
Milwaukee Bucks 118 - 116 Philadelphia 76ers
Chicago Bulls 107 - 97 Washington Wizards
Detroit Pistons 123 - 130 Brooklyn Nets
Los Angeles Lakers 110 - 128 Dallas Mavericks
Utah Jazz 115 - 121 Los Angeles Lakers