Mizoramin medal an la

41st NTPC Senior National Archery Championship Indian round (Bamboo) chu March 21-30 khan Maulana Azad Stadium, Jammu-ah khelh a ni a, Mizoram team-in bronze medal an la. Mizoram hian medal an lak avangin National Games khel turin an tling a, kum 20 hnua medal an lak lehna hmasa ber a ni.

Mizoram aiawha medal latute hi Laldampuia, Zemabawk leh Isaac Lalchuailova, Ramhlun North te an ni a, coach PC Lalrosiama, Zemabawk leh manager Jonathan Lawmsanga, Republic Veng ten an enkawl. Archery Association of Mizoram chuan thuchhuah siamin Mizoram team-te hlawhtlinna an chhuan thu an tarlang.