Marcus Joseph-a'n goal a khung zel

Mohammedan SC-in I League-a pakhatna dinhmun sawhngheh turin Thawhlehni zan khan Trau 2-1 in an hneh a, chakna goal khungtu chu Marcus Joseph a ni.

Naihati Stadium-a inkhelah Manipur club Trau-in Fernandinho hmangin minute 33-naah an khung hmasa a, Mohammedan-in first half injury time-ah Faisal Ali hmangin an sut.

Second half-ah Kolkata club tan Marcus Joseph a rawn inlar a, minute 70-naah chakna goal a khung. Trinidad and Tobago striker Joseph hian tun season-ah goal 10 a khung der tawh.