Nigerian fans an che mawi lo

World Cup playoff match second leg-ah Nigeria leh Ghana te 1-1 in an inhnehtawk a, an intawn hmasakah goal an khung loh ve ve avangin khualmuala goal khung zawk Ghana an tlang.

Ghana tan Thomas Partey chuan minute 10-na lekah goal hmahruai a khung a, Nigeria tan William Troost-Ekong chuan minute 22-naah penalty hmangin chhanglet mah se goal dang an khung tawh lo a, away goal rule hmangin Nigeria-in World Cup an khel dawn lo.

World Cup khel lo tur Nigeria fan-ten an result an hrethiam lo a, inkhelh zawhah khelmualah an tlan lut - Ghana player leh fan te chu bottle hmangin an vawm a, stadium seat an thlawn a, police-te chuan fans hnawt darh tur hian tear gas an hman a ngai hial.

Football Association of Zambia chuan he inkhela duty, CAF & FIFA medical officer Dr Joseph Kabungo thih thu an puang a, FAZ president Andrew Kamanga chuan, "A thih chhan sawi nan a la hma hret tih kan hria a, CAF leh FIFA kan ngaichang phawt ang," an ti a, Zambian pa hi buaina avanga thi a nih leh nih loh sawi a la awm lo.