Mizoram Open an khel mek

Tualchhung tennis inelna lian, 35th Mizoram Open 2022 Tennis Championship chu khelh mek a ni. Aizawl Tennis Club leh Zotlang Tennis Court-ah inelna hi neih niin, ruahman dan chuan Inrinniah a hmawr bawk a ni dawn.

Kar hmasa khan qualifying round khelh a ni a, mi pariat an tling. Heng mi pariatte leh Mizoram Tennis Association (MTA) hnuaia ranking nei lai ten tun kar chhung hian inelna an hmachhawn ang.

Inelna hi hlawm pasarih - men’s singles, women’s singles, boys' u-12 singles, boys' u-14 singles, men’s doubles, 40+ singles leh 55+ doubles huangah te ṭhen hran a ni.

Aizawl district, Lunglei district, Champhai district, Kolasib district, Serchhip district, Khawzawl district leh Saitual district hnuaia club hrang hrang aṭangin tualchhung player ṭha an fuan khawm.