Bangalore-in Kolkata an hneh

Indian Premier League-ah Royal Challengers Bangalore chuan wicket thumin Kolkata Knight Riders an hneh. Dr. DY Patil Sports Academy, Navi Mumbai-ah Knight Riders-in bat hmasain 18.5 overs-ah an thi vek a, 128 runs chauh an siam. Royal Challengers tan target awlsam ni lo mah se ball li chauh dah bangin 132/7 runs siamin hnehna an chang.

Bangalore bowler Wanindu Hasaranga chuan over liah wicket li lain 20 runs chauh a pe a, player of the match-ah an thlang. Sri Lanka bowler Hasaranga chuan, "Footballer-a ka ngaihsan ber chu Neymar a ni a, wicket ka lak khan a goal khung lawm dan angin ka lawm," tiin inkhelh banah a sawi.

Zanin dar 7:30 hian Kolkata Knight Riders an khel lehnghal dawn a, Wankhede Stadium-ah Punjab Kings an hmachhawn ang.