Kum 45 thleng khelh ka duh - Gayle

West Indies batsman Chris Gayle chuan kum 45 a nih thleng inkhelh a duh thu a sawi a, Twenty20 World Cup atan koh theih a nih thu a sawi bawk.

Kum 40 mi Gayle hian nikum February thla khan ODI aṭangin a chawlh thu a puang a, World Cup zawhah thutlukna a thlak. Chutihrualin Gayle hian August 2019-a ODI match 301-na a khelh hnuah a la inlan leh lo. Gayle chuan, "Hun a kal zel a, ka naupang tulh tulhin ka hria. Kum 45 a tawk viauin ka hria, hemi thleng hi khelh ka tum ang. Mi tam takin middle order-a Gayle-a khel hi la hmu châk a, cricket hmangaihna ka la bei bawk," tiin a la inkhelh tlak thu a sawi.

Twenty20 World Cup-ah hian West Indies hi champion lai an ni a, kum 2016 khan Kokata-a final hmuhnawm takah England an hneh. Kumin hian November thlaah T20 World Cup hi Australia-ah khelh  ni ang.