Las Vegas-ah F1 an tlan dawn

Season thar aṭang chuan United States-ah Formula 1 intlansiak pathum a awm tawh dawn. Las Vegas Grand Prix a awm tawh dawn a, 3.8-mile a thui tlankawngah an tlan ang - inelna hi Inrinniah neih a ni ṭhin ang.

US-ah hian Austin leh Texas GP te an awm mek a, F1 neitu Liberty Media lam duhthusam ang ngeiin intlansiak hi a tam belh zel dawn. Europe lam nen darkar riat vel laia hun hman dan a inthlauh avang erawh chuan Pathiannia tlan a remchang ve lo.

F1 president Stefano Domenicali chuan, "F1 hian nasa takin hma sawn zel se tih hi kan duh dan a ni, tun dinhmunah US-ah huang kan zauh leh thei pawh hi chanchin lawmawm a ni," a ti.