Match 62 chak tawh Suns

Phoenix Suns chu NBA regular season kal laiah match 62 an chak tling ta. Nimin zing inkhelah Suns hian Golden State Warriors chu 107-103 in an hneh a, playoff khel tura an tlin chian tawh hnuah pawh an inthlahdah chuang lo.

Suns hian 1992-93 leh 2004-05 season khan, regular season bikah match 62 hnehna changin record an lo siam tawh, tun season-ah an chak hnem record hi an nihrual ta chiah a, khelh hmabak match ruk an la neih avangin record hi an khum ngei ang.

San Francisco-a inkhelah Suns tan Devin Booker leh Mikal Bridges ten point 22 ve ve an nei a, tun hnaiah a zawna vawi kua an chakna niin Western Conference-ah an chungnung fal hle.

Golden State Warriors erawh a zawnin vawi li an tlawm ta, season laihawlah kha chuan Suns nen hian an inum tawk viau. Tunah erawh vawi 48 chiah hnehna an la chang ve a, table-ah palina dinhmun an luah.

Nimin zing inkhel dangah Dallas Mavericks chuan Cleveland Cavaliers 120-112 in an hneh. Mavericks chak theih nan Luka Doncic-a'n point 35 a nei a, Cavs tana Dorian Finney-Smith-a'n point 28 a neih chu chakpui nan a tawk zo ve lo.

NBA - Nimin Results
Dallas Mavericks 120 - 112 Cleveland Cavaliers
Senver Nuggets 125 - 118 Indiana Pacers
Orlando Magic 110 - 127 Washington Wizards
Miami Heat 106 - 98 Boston Celtics
Charlotte Hornets 125 - 114 New York Knicks
Minnesota Timberwolves 102 - 125 Toronto Raptors
Sacramento Kings 121 - 118 Houston Rockets
Atlanta Hawks 136 - 118 Oklahoma City Thunder
Memphis Grizzlies 112 - 111 San Antonio Spurs
Phoenix Suns 107 - 103 Golden State Warriors
New Orleans Pelicans 117 - 107 Portland Trail Blazers