Chennaiyin FC tan Isaac-a goal a tawk lo

Chennaiyin FC tan Isaac Vanmalsawma'n goal khung mah se a team chhanhim nan a tawk zo lo a, South Indian club hi ATK lakah 2-3 a tlawmin table-ah pariatna dinhmun an luah mek!

Aizawl FC midfielder hlui Jayesh Rane chuan minute 14-na lekah ATK tan goal hmahruai a khung a, minute 10 hnuah Thoi Singh chuan Chennai club tan si phurh a sut.

Mahse, chawlhlawk hman a nih hmain Manuel Lanza­rote chuan penalty aṭangin hma­hruaina goal a khung nawn a, Barcelona aṭanga inzir chhuak winger hian minute 80-naah a khung leh bawk.

Chennaiyin beiseina chhi nung turin Isaac Van­mal­sawma chuan hun tawp nan mi­nute hnih chiah a awm tawh tihah si phurh a sut ṭhen a, goal dang an khung theih loh avangin a club chhan nan erawh a tawk zo lo.

South Indian club tan Jeje Lalpekhlua, Jerry Lalrinzuala, Isaac Van­malsawma leh Lal­dinliana Renthlei ten inkhel bul an ṭan vek a, ATK tan Ricky Lallawmawma chuan minute 90 a khel bawk.

Zaninah Indian Super League in­khel pakhat a awm dawn a, Kerala Blasters chuan dar 7:30 hian Jamshedpur an mikhual dawn a ni.

Kartawp Inkhel Result
Bengaluru FC 2 - 1 Pune City
Jamshedpur FC 0 - 0 NorthEast United
Chennaiyin FC 2 - 3 ATK
Zanin Inkhel Tur
Kerala Blasters 7:30 PM Jamshedpur FC