Shane Warne-a lukhum hralh to

Australia ram kang ṭanpui nana cricket legend Shane Warne-a lukhum lilam chuan sum a hmu chhuak hnem hle - a chhang huai berin Australian dollar maktaduai khat zetin a chhang!

Legendary leg-spinner Shane Warne-a lukhum hi Australia tan test a khelh chhung zawnga a khum ṭhin a ni a, he lukhum nen hian test match 145 khelin wicket 708 ngawt a la thei a ni. 

Kum 50 mi Warne chuan, "Ka beisei aiin sum hmuhchhuah hi a tam daih a ni," tiin a sawi a, India pawisa chuan an sum hmuh zat hi nuai 715.97 a tling hial!

Warne-a lukhum changtu hi Commonwealth Bank of Australia an ni a, CBA chuan Warne-a lukhum hi kang tuarte ṭanpui nana sum tam zawk hmuh nan tour an neihpui tur thu an sawi. 

Khawvela cricketer ropui ber pawl Warne-a lukhum hralhna aṭanga sum hmuh hi Australian Red Cross Disaster Relief and Recovery Fund-ah a vaiin pek a ni ang. 

Premier League-a Brighton goalkeeper Mat Ryan chuan tun kar tawp inkhela Premier League goalkeeper-in save an neih pakhatah zel Australian dollar 500 (Rs 24,419) a pek tur thu a sawi ve bawk - amah hi Australian a ni.