Mizoram tan insiamṭhat a ngai

National Sub Junior Football Championship-ah Mizoram chuan an match hmasa berah Goa hmachhawnin Thawhṭanni khan 2-2 in an inhnehtawk.

Inelna hi Naharlagun, Arunachal Pradesh-ah neih a ni a, vawiin tlai dar 2:00 hian Mizoram hian Haryana an hmachhawn ang.

Mizoram hi group B-ah Telangana, Goa, Jharkhand leh Haryana te nen an awm ho a, a sang pahnih chauhin semifinal an luh dawn avangin Vanlalrova hote tan insiamṭhat a ṭul.

Goa nen an inkhelh ṭum hian Mizoramin PC Vanlalmalsawma hmangin minute 27-naah hma an hruai a, Goa-in an si phurh sut duh tawk loin second half-ah hmahruaina goal an khung zui bawk. Mizoram tan

F. Lalremtluanga'n minute 60-naah si phurh sutna goal a khung a, 2-2 in inkhel a tawp.

Mizoram coach Vanlalrova chuan, "Kan tihsual vangin goal kan chhuah a, tlar hnung lam insiamṭhat kan mamawh a ni. Tlar hma lam pawhin goal hnih khung mah se goal chance ṭha an hlah nual a, point thum hlawhchhuah theihna turah point khat chauh kan hmu," tiin Vanglaini a hrilh.

Mizoram - Results & Fixtures
December 3, 2018
Mizoram 2 - 2 Goa
MIZ : PC. Vanlalmalsawma 27'; F. Lalremtluanga 60'
December 5 - Vawiin Inkhel Tur
Haryana 2:00 PM Mizoram
December 9, Pathianni
Mizoram 2:00 PM Telegana
December 11, Thawhlehni
Jharkhand 6:30 PM Mizoram