First leg-ah Ramhlun North-in Kanan an hneh

Mizoram Premier League khel tur zawnna playoff first leg chu nimin khan Lammualah khelh a ni a, Ramhlun North-in Kanan FC chu 3-1 in an hneh. Playoff second leg hi December 7, Zirtawpniah khelh leh tur a ni.

Nimin inkhelah hian Ramhlun North-in first half-ah goal thum an khung a, Jessy Vanlalmuana chuan goal hnih khungin Lalliansanga'n (Notea) goal khat a khung ve bawk. Second half-ah Lalbiaknia Royte chuan Kanan FC tan penalty aṭangin a khung a, MPL khelh beiseina tlem a siam sak.

Kanan FC-in playoff-ah keeper chet ṭhat tawk loh an vanduai pui a, Jessy-a goal pahnih hi keeper tih ṭhat tawk loh vanga lut a ni. Notea goal erawh sawisel bo a ni thung a, Durtlang tlangval hian Lalremruata siam sak chu cool zetin a khung.

Second half-ah Lalmawizuala handball vangin penalty a chawi a, Kanan tan Lalbiaknia chuan minute 70-naah khungin goal khat satliah a ni lo. Playoff-ah hian away goal rule hman a ni a, nimin inkhel hi Ramhlun North home a nih avangin second leg-ah first division club hi 2-0 a an chak chuan MPL an khel thei ang.

Leg 1 - Vawiin Inkhel Result
Ramhlun North FC 3 -1 Kanan FC
RNFC : Jessy Vanlalmuana 7', 41'; Lalliansanga 21'
KFC : Lalbiaknia Royte 70'
Leg 2 - December 7, Zirtawpni
Kanan FC 1:30 PM Ramhlun North