FA Cup-ah club lian hmabak a awlsam
Thawhṭanni zan khan football tournament upa ber FA Cup third round inkhel tur pawh a ni a, Premier League club lian la dam tan khingpui harsa tak tur an awm lo. Vawi 13 champion tawh Arsenal chuan non-league club Solihull Moors leh Blackpool te inkhela chak zawk an hmachhawn ang.
National League club dang North Southport pawhin League Two club Tranmere an hneh thei a nih chuan Tottenham an hmachhawn dawn. Champion lai Chelsea chuan inelna bul ṭan nan Nottingham Forest an mikhual dawn a, Premier League hmahruaitu Manchester City chuan Rotherham an hmachhawn dawn.
Liverpool leh Wolves an inkhel anga, Old Trafford-ah Manchester United-in Reading an mikhual thung dawn a ni. FA Cup third round hi nakkum January 4-7 chhunga khelh tur a tih a ni.