Man United-ah Fernandes a nghet

Manchester United midfielder Bruno Fernandes chuan a contract a pawtsei a, kum 2024 thleng Old Trafford-ah a cham ang, an inrem dan chuan contract hi kum khat chhung atana pawhsei theih a ni ang.

Kum 27 mi Fernandes hian tunah chuan a hlawh hmasa let thawk a hlawh tawh dawn a, kar khatah £240,000 (Rs 2,39,20,082) a hlawh dawn tihna a ni.

Man United tan match 117 a khelh aṭanga goal 49 khungtu Bruno chuan, "Kei leh ka ṭhiante bakah staff-te chuan hmalam pan kan duh a, thil tum tih hlawhtlin tur kan la nei, min ṭantuten an phu ang ngei hlimna siamsak kan duh.

"Hun hlimawm leh nuam kan lo tawng ho tawh, mahse a ropui leh hlimawm ber chu kei leh ka ṭhiante hian kan la tawng lo," a ti a, Man United tan champion nomawi chawi ngei a duh thu a sawi.

Fernandes-a'n January, 2020 khan Manchester United hi a zawm. English club an chet ṭhat loh laia lut a ni a, danglamna nasa tak a siam - goal a khung theih bakah assist vawi 39 a neih tawh hi a nep lo hle.