Bayern-in Gravenberch lak an tum

Bayern Munich-in Ajax midfielder Ryan Gravenberch lakluh tumin hma an la. Kum 19 mi Gravenberch hi 6ft 3in-a sang a ni a, tunlai midfielder chhuak thar ṭha ber zinga mi niin Netherlands tan vawi 10 a inlan tawh.

Gravenberch hian Ajax-ah hmun pawimawh a chang a, tun season-ah league match 26 khelin goal hnih a khung. Dutch midfielder agent hi Minola Raiola a ni a, German club hian agent hmingthang Raiola hmin tumin hming an la mek a ni.

Bayern Munich hi Bundesliga-ah champion nomawi humhim turin an dinhmun a ṭha a, zanin dar 7:00 hian SC Freiburg an hmachhawn ang. Bavarians elpui Borussia Dortmund-in zanin dar 10:00 hian Champions League khelh beisei zinga mi RB Leipzig an mikhual dawn a, inkhel pawimawh a ni ang.