Mizoram TT champion Jeho-a

Tualchhung Table Tennis inelna lian - MTTA Season Ending Table Tennis Championship chu Inrinni khan khelh zawh a ni. Inelna ngaihhlut mipa singles-ah Jeho Himnakulhpuingheta chuan Alberto L.R Ruata 4-1 hnehin a champion.

Youth huangah pawh Jeho leh Alberto bawkin nomawi an inchuh a, inkhel hmuhnawm leh inhnehtawk takah Jeho-a bawkin 4-2 a hnehna changin, inelna ngaihhlut pahnihah a champion a ni.

Tournament hi 83rd Senior National & Inter State Table Tennis Championship khel tur zawnna a ni nghal. Mipa leh hmeichhe singles huanga ti ṭha palite hi April 18-25 chhunga SAI Indoor Stadium, Nehru Complex, Shillong-a neih turah Mizoram aiawhin an tel ang.

Mizoram Table Tennis Association chuan April 6-a lo thleng tur 'World TT Day' an hmang dawn a, he niah hian midang tan an luang chhuak ang. Fahrah chawmna hmun ṭanpui a ni dawn a, an neihsa baka thawh belh duh tan a thawh theih reng a ni.