Rajasthan, Kolkata leh Gujarat te an chak zel

Indian Premier League-ah Rajasthan Royals, Kolkata Knight Riders leh Gujarat Titans te match hnih an khelh tawhah an la chak zel a, IPL khelh mekah team pathumte hian hneh loh an la tawng lo. Zanin dar 7:30 hian Sunrisers Hyderabad leh Lucknow Super Giants te an inkhel ang.

Zirtawpni zan khan Kolkata-in Punjab Kings wicket rukin an hneh. Kolkata bowler Umesh Yadav (23/4) leh Tim Southee (36/2) te an che ṭha a, Punjab-in 18.2 overs-ah 137 runs an siam. Knight Riders tan Andre Russell (70*) a che ṭha zui a, over 14.3-ah 141/4 runs siamin hnehna an chang.

Rajasthan Royals-in Inrinni zan khan Mumbai Indians chu 23 runs-in an hneh. Rajasthan an bat hmasa a, Jos Buttler-a'n century (100) a siam zarah 193/8 runs an siam. Mumbai Indians tan Tilak Varma (61) leh Ishan Kishan (54) te che chhe lo mah se 170/8 runs chauh an siam thei a, Rajasthan-in hnehna an chang.

Gujarat Titans-in Delhi Capitals chu 14 runs in an hneh a, Shubman Gill leh Lockie Ferguson te an che ṭha. Titans hian bat hmasain Shubman-a'n 84 runs a siam a, over 20-ah 171/6 runs an vaw chhuak. Delhi tan umphak theih ni mah se Ferguson a che ṭha a, 28 runs chauh pein wicket li a la. Capitals-in over 20-ah 157/9 chauh an siam thei a, Gujarat an chak.