Bayern Munich player 12-in an khel

Bayern Munich-in Inrinni zan khan Freiburg 4-1 in an sawp a, inkhel dangah RB Leipzig-in Borussia Dortmund 4-1 thoin an sawp. Bavarians hi Bundesliga champion turin an dinhmun a ṭha a, amaherawhchu substitution siam sual avangin hun tawp lamah player 12-in an khel a, hrem theih dinhmunah an ding.

Hliam vanga thla li chhung a chawlh hnuah Leon Goretzka a rawn kir a, Germany international hian goal a khung nghal. Bavarians tan Goretzka-a'n minute 58-naah goal hmahruai a khung a, Serge Gnabry (73'), Kingley Coman (82') leh Marcel Sabitzer (90+6') ten an khung belh.

Hun tawp lamah Bavarians-in substitution pahnih an siam a, an tihsual avangin second 17 chhung player 12-in an khel. Freiburg director Jochen Saier chuan, "Bayern khan outfield player 12 an khelh avangin referee kan hriattir. A mak khawp mai, khatiang kha ka la hmu ngai lo," tiin a sawi.

Bundesliga danah chuan hremna lekkawh a nih chuan Freiburg-in point thum an hmu thei a, hremna lekkawh tur chuan Freiburg-in an lungawi lohna an thlen phawt a ngai. Bayern coach Julian Nagelsmann chuan, "Fourth official khan number a tar sual a, Kingsley Coman khan thlak tur a ni tih a inhre lo. Fairplay ang zawnga thlir chuan rilru chhia pakhatmah kan pu lo," tiin a insawifiah.

April 1, Zirtawpni
Union Berlin 1 - 0 FC Cologne

April 2, Inrinni
Eintracht Frankfurt 0 - 0 Greuther Fürth
Bayer Leverkusen 2 - 1 Hertha Berlin
Freiburg 1 - 4 Bayern Munich
Hoffenheim 1 - 2 Bochum
Arminia Bielefeld 1 - 1 Stuttgart
Borussia Dortmund 1 - 4 RB Leipzig