Punjab leh Rajasthan an chak

I League khelh mekah Inrinni khan RoundGlass Punjab leh Rajasthan FC ten Sudeva Delhi leh Trau te an hneh. Punjab leh Delhi inkhelah hian goal nga ngawt a lut a, Punjab hian 3-2 in an lehthal. Kai thar Rajasthan FC-in Trau hi 2-0 in an hneh ve bawk.

I League-ah hian vawi khat ṭheuh inkhelh kual zawhah a sang pasarihin champion tur zawnna Championship Stage an khel dawn a, Mizo club Aizawl FC chu paruknaah an awm mek. AFC hian match kua khelh tawh aṭangin point kua an hmu a, match thum chauh an neih tawh avangin Championship Stage khel tur chuan chetsual a thiang tawh lo.