Mizoram an insiam ṭha

National Sub Junior Football Championship-ah Mizoram chuan an match hmasa bera Goa an draw hnuin nimin khan Haryana 2-1 in an hneh.

Naharlagun, Aruna-chal Pradesh-a inelna neihah hian Mizoram hi group B-ah Telangana, Goa, Jharkhand leh Haryana te nen an awm ho a, December 9 hian team nêm bera ngaih Telegana an hmachhawn ang.

Nimin inkhelah hian Mizoram tan Isaac Zomuan-puia chuan hun chanve hmalam leh hnu lamah goal a khung ve ve a, Haryana 2-1 in an hneh.

Coach Vanlalrova chuan, "Kan goal chhuah hi indirect freekick a ni a, referee hmuh sual vang a ni a, back pass a ni lo. Kan match hmasa ngaihtuah chuan kan khelh danah hmasawnna hmuh tur a awm a, insiamṭhat zel erawh kan la mamawh," a ti.

Mizoram - Results & Fixtures
December 3, Thawhṭanni
Mizoram 2 - 2 Goa
MIZ : PC. Vanlalmalsawma 27';
   F. Lalremtluanga 60'
December 5, Nilaini
Haryana 1 - 2 Mizoram
MIZ : Isaac Zomuanpuia 23', 48'
December 9, Pathianni
Mizoram 2:00 PM Telegana
December 11, Thawhlehni
Jharkhand 6:30 PM Mizoram