A vawi khat nan Espargaro a chak

Pathianni zana tlan zawh tak MotoGP Argentine Grand Prix-ah Aleix Espargaro a chak, bike intlansiakna sang bera vawi 200 a inlan tlinnaah a vawi khat nan a chak ve chiah, a hlu zual khawp ang.

Kum 32 mi Espargaro-a'n hnehna chang turin Jorge Martin a tlanpel, rider pahnih an inum tawk hle. Lap nga tlan hmabak la awm aṭangin Espargaro hian hma a hruai a, a phu ang ngeiin a chak.

Spanish tlangval Espargaro chuan, "Hun rei tak hnuah ka nghak chhuak ta. A tir lamah khan duhthusamin ka khel lo, a rei hnuah erawh ka ṭhat dan takin ka che thei a, ka tan kawng a inhawn avangin ka lawm," a ti.