Super Kings an che fuh thei lo

Indian Premier League-ah champion lai Chennai Super Kings an che fuh thei lo a, Pathianni zan khan 54 runs-in Punjab Kings an hneh lo. Brabourne Stadium-a inkhelah Punjab-in 180/8 runs an siam a, Chennai-in 126 runs chauhin an chhanglet.

Ṭhumvawrah Chennai an vannei a, vawm hmasak an thlang. Punjab tan Liam Livingstone (60) leh Shikhar Dhawan (33) te an che ṭha a, 180 runs an siam avangin chak turin an dinhmun a ṭha.

Chutihrualin Chennai hian an match hnuhnung berah 210 runs an siam thei a, Punjab hi chak chianga dah erawh a la rem lo. Amaherawhchu Chennai batter-ten Punjab bowler-te ngam lo, Moeen Ali leh Ravindra Jadeja te run siam loin pavillion-ah an kir.

Shivam Dube-a'n 57 runs a rawn siam a, MS Dhoni-a'n 23 runs siam bawkin Chennai mualpho lutuk tur an tiziaawm. Over 18-ah Chennai batter-te an thi kim a, 126 runs chauh an siam.

Zanin dar 7:30 hian Rajasthan Royals-in Royal Challenger Bangalore te an hmachhawn ang.