Miami Open champion Carlos Alcaraz

Carlos Alcaraz chuan a vawi khat nan Masters 1000 title a la. Spanish star hian Miami Open champion ni tur hian Casper Ruud a hneh a, kum 18 mi chauh a la nih avangin champion thei naupang ber record a siam nghal.

Pathianni zan final inkhelah world number 16 hian 7-5, 6-4 in hnehna a chang, a hneh tak Ruud hi world number 8 a nih avangin a khel ṭha tawk tih a chiang a, a kum a la naupan avangin hmabak êng tak a nei tih a chiang bawk.

Alcaraz chuan, "A nihna tak sawi chuan kan inkhelh chhung zawng khan ka hlauthawng. Hnehna ka chang thei ang tih chu ka ring tlat a, mahse ngaihṭha taka awm chu thil harsa tak a ni," tiin a sawi.