Joe Gomez a chawl rei dawn

Liverpool defender Joe Gomez chu Burnley nen an inkhelh ṭuma a hliam avangin kar ruk tal a chawlh a ngai dawn a, Reds fan-te tan thu hriat nuam a ni lo tawp ang.

Merseyside club chuan thuchhuah siamin, "Tun dinhmuna a lan dan chuan kar ruk tal a chawlh a ngai dawn a ni," an ti a, enkawl dan a zira a dam hun chhung chu beisei aia a rei theih thu an sawi tel bawk.

Jurgen Klopp-a rinrawl zinga mi Gomez hian tun season-ah Liverpool tan league match ringawt pawh vawi 15 an khelh tawhah vawi 13 a khel a, kum 21 mi lek nichungin Premier League-a defender ṭha pawl a ni mek.

Gomez hi Burnley nena an inkhelh ṭum khan Clarets captain Ben Mee chuan na takin a tlawh a, Jurgen Klopp chuan Burnley player-te chet dan chu inkhelh zawhah a lo sawisel tawh a ni.

Liverpool hian zanin dar 6:00-ah league match an khel dawn a, Bournemouth chu khualmualah an lenchilh dawn a ni - Reds hi match 15 an khelh tawhah an la tlawm miah lo.

Zanin Inkhel Tur
AFC Bournemouth 6:00 PM Liverpool
Arsenal 8:30 PM Huddersfield Town
Burnley 8:30 PM Brighton & Hove
Cardiff City 8:30 PM Southampton
Manchester United 8:30 PM Fulham
West Ham United 8:30 PM Crystal Palace
Chelsea 11:00 PM Manchester City
December 9, Pathianni
Leicester City 1:15 AM Tottenham Hotspur
Newcastle United 9:30 PM Wolverhampton
December 10, Thawhtanni Zan
Everton 1:30 AM Watford
# Team Pld W D L GF GA GD Pts
1 Manchester City 15 13 2 0 45 7 38 41
2 Liverpool 15 12 3 0 30 6 24 39
3 Tottenham Hotspur 15 11 0 4 28 16 12 33
4 Chelsea 15 9 4 2 31 13 18 31
5 Arsenal 15 9 4 2 34 20 14 31
6 Everton 15 6 5 4 21 17 4 23
7 AFC Bournemouth 15 7 2 6 25 22 3 23
8 Manchester United 15 6 5 4 24 25 -1 23
9 Leicester City 15 6 4 5 21 18 3 22
10 Brighton & Hove 15 6 3 6 19 21 -2 21