Ṭumpui hmaah Vengthar United

Vawiin chawhnu dar 1:00 hian Kolasib District FA Cup 2018 chu District Sports Stadium-ah final khelh tur a ni dawn a, second division club Vengthar United leh I division club Ṭumpui GSA ten nomawi an inchuh dawn.

Kawnpui club Vengthar United hi division hniam zawk an nih avangin a tir aṭangin inelna an hmachhawn a, match li an khelh tawhah goal 11 khungin anmahni lamah goal nga a lut thung, thawhhona ṭha chu an innghahna tur a ni.

Ṭumpui GSA hian last 16 aṭangin inelna an hmachhawn thung a, match thum lek aṭanga goal 15 khung thei an nih avangin goal khung an harsat lo hle tih a chiang, chak tura rinkai ni mah se beisei loh result pawh hmuh thut theih a ni ang.