Points 89-82 kha aw!

Mizoram Super League season 5 hmawr bawk nan ni khat bak a awm ta lo. Champion lai Zarkawt BCA leh Tuikual South ten Thawhṭanni zan dar 8:00 hian Hawla Indoor Stadium, Republic Vengthlangah final game 1 an khel dawn.

Team pahnih te hi league round match hnuhnung berah an intawng a, Zarkawt BCA hian 89-82 in hnehna an chang, an inthlauhna hi point sarih chauh a ni a, an inkar hi basketball-ah chuan minute khat chhung leka danglam thei a ni.

MSL final ticket hi Rs 100 leh Rs 150 a ni dawn a, season dangah chuan semifinal aṭangin en man hi tihsan ṭhin a ni a. Kuminah erawh final chinah chauh tihsan a ni.